Д.Амартүвшин Туркийн гранпри тэмцээнд тэргүүллээ
2013 оны 4 сарын 1
Д.Амартүвшин Туркийн гранпри тэмцээнд тэргүүллээ
Өнгөрсөн амралтын өдрүүдэд Туркийн хойд эргийн Самсун хотноо болсон жүдо бөхийн Гранпри тэмцээнд эрэгтэйчүүдийн хамгийн хөнгөн жин болох 60 кг-д зодоглосон Д.Амартүвшин түрүүллээ. Тус тэмцээнд нийт 40 орны 201 эрэгтэй, 117 эмэгтэй, нийт 318 бөх хүч сорьсон юм. Үүний дотор Монголын 10 бөх буюу эрэгтэй долоо, эмэгтэй гурван тамирчин өрсөлдөж, эхний өдөр алт, мөнгө, хүрэл медалийг хүртлээ. Д.Амартүвшин нь Гүржийн Г.Бролашвилиг торгуулиар, Армений Г.Иваняныг цэвэр, Оросын Р.Мшвидобзег юүкогоор, Азербайжаны В.Ширинлиг вазаригаар тус тус ялж, финалд шалгарсан байна. Улмаар шигшээд Казахстаны Е.Сметовыг вазаригаар хожиж, IJF-ийн Гранпри зэрэглэлийн тэмцээнд анх удаа түрүүлжээ. Манай бөх өмнө нь Чиндао, Абу Дабигийн гранпригээс мөнгө, хүрэл медаль авч байсан юм.

Ч.ГАНАА
Эх сурвалж http://www.info.mn
Таалагдвал LIKE бэлэглээрэй.

Сонирхолтой мэдээ

Сэтгэгдлийг ачаалж байна ...
топ 20 мэдээ