Уруудахад хэрээ шиг тонших хэсэг нөхөд
2017 оны 7 сарын 17
Уруудахад хэрээ шиг тонших хэсэг нөхөд
Уруудахад хэрээ шиг тонших хэсэг нөхөд
Өөрсдөө гэмгүй юм шиг ...
Ургахад хөрөө шиг тасдах хэсэг нөхөд
Өөрсдөө чулуу юм шиг ...
Манарахад тоос шиг дарах хэсэг нөхөд
Өөрдсөө хиргүй юм шиг ...
Мандахад үүл шиг халхлах хэсэг нөхөд
Өөрсдөө нар юм шиг ...
Унахад өвдөг шиг хорсох сэтгэл
Хэсэгтээ л эдгэхгүй юм шиг ...
Уйлахад нулимс шиг бөмбөрөх гомдол
Хэсэгтээ л татрахгүй юм шиг ...
Гавьяаг өөрийн юм шиг хуваалцах хэсэг нөхөд
Өөрсдөө чаддаг юм шиг ...
Гайг өрөөлийнх юм шиг үүрүүлэх хэсэг нөхөд
Өөрсдөө алддаггүй юм шиг ...
Амжилтыг муур шиг хулгайлах хэсэг нөхөд
Ичих нүүргүй гэлтэй ...
Амьдарлыг могой шиг хордуулах хэсэг нөхөд
Имээх тэнгэргүй гэлтэй ...
Торлогдоход өстөн шиг чичих хэсэг нөхөд
Өөрсдөө орохгүй юм шиг ...
Томроход урхи шиг тосох хэсэг нөхөд
Өөрсдөө унахгүй юм шиг ...
Ярганд ташуур шиг гуядах хэсэг нөхөд
Хайрлах сэтгэлгүй юм шиг ...
Ядрахад нохой шиг зуух хэсэг нөхөд
Өрөвдөх доторгүй юм шиг ...
Тодроход баллуур шиг үрэх хэсэг нөхөд
Өөрсдөө зурах юм шиг ...
Тонгойход донтон шиг баясах хэсэг нөхөд
Өөрсдөө бөхийдөггүй юм шиг ...
Б.МӨНХ-ОРГИЛ
2017.07.07-нд
Эх сурвалж http://www.info.mn
Таалагдвал LIKE бэлэглээрэй.

Сонирхолтой мэдээ

Сэтгэгдлийг ачаалж байна ...
топ 20 мэдээ