Зөвшөөрөлгүй байрлуулсан гадна зар сурталчилгааны байгууламжуудыг буулгана
2018 оны 1 сарын 12
Зөвшөөрөлгүй байрлуулсан гадна зар сурталчилгааны байгууламжуудыг буулгана

Улаанбаатар хотын Ерөнхий менежерийн 2017 оны “Гадна зар сурталчилгааны байгууламжийг буулгах ажлыг зохион байгуулах тухай” А/242 дугаар тушаалын дагуу “Нийслэлийн нутаг дэвсгэрт гадна зар сурталчилгааны байгууламж байршуулахад дагаж мөрдөх журам”-ын тавигдах шаардлагыг зөрчсөн гадна зар сурталчилгааны байгууламжийг албадан буулгах үйл ажиллагааг мэргэжлийн байгууллагатай хамтран маргааш эхлүүлнэ. Тодруулбал, уг ажил энэ сарын 12-ноос 19-ний хооронд зохион байгуулагдах юм. Зөвшөөрөлгүй байрлуулсан гадна зар сурталчилгаанууд нь нийслэлийн өнгө үзэмжийг алдагдуулахаас гадна дараах нийтлэг зөрчил дутагдлууд ажиглагдаж байна.

-Байгууламжийг зөвшөөрөлгүй байрлуулах;

-Гэрээ байгуулагдсан ч хураамж төлөхгүй байх;

-Хориглосон бүсэд гадна зар сурталчилгааны байгууламж байрлуулах;

-Гэмт хэргээс урьдчилан сэргийлэх хяналтын камер, хөдөлгөөн зохицуулах гэрэл дохио, авто замын босоо тэмдгүүдийн үзэгдэх орчинг халхлах;

-Дэд бүтэц шугам сүлжээ, хамгаалалтын зурваст байрлуулах;

-Барилгын аюулгүй байдал, бүрэн бүтэн байдал, өнгө үзэмжийг алдагдуулах;

-Тохижилт ногоон байгууламж сүйтгэх гэх мэт.

Энхтайваны өргөн чөлөө, ЮНЕСКО-гийн гудамж, Манлайбаатар Дамдинсүрэнгийн гудамж, Их тойруу (Намянжүгийн гудамж), Бага тойруу болон түүнээс дотогш гудамж, Жуулчны гудамж, Нарны зам дагуу, Наадамчдын зам, Зайсангийн гудамжуудад байрлуулсан самбаруудыг албадан буулгах юм.
Эх сурвалж http://www.info.mn
Таалагдвал LIKE бэлэглээрэй.

Сонирхолтой мэдээ

Сэтгэгдлийг ачаалж байна ...
топ 20 мэдээ