Байт харвааны тамирчид нэг алт, гурван мөнгө, хоёр хүрэл медаль хүртээд байна
2018 оны 9 сарын 14
Байт харвааны тамирчид нэг алт, гурван мөнгө,  хоёр хүрэл медаль хүртээд байна

Олон улсын мастеруудын тоглолтын холбооноос анх удаа Ази, номхон далайн орнуудын дунд спортын их наадам зохион байгуулж байна. Анхдугаар наадам Малайзийн Пенанг хотноо 9-р сарын 7-15-ны өдрүүдэд зохион байгуулагдаж байна. Уг их наадамд 23 орны 5500 гаруй тамирчин спортын 22 төрөлд өрсөлдөж байгаа бөгөөд манай улс спортын 7 төрөлд тамирчдаа илгээжээ. Үүнээс байт харвааны тамирчид хувийн төрлийн тэмцээндээ амжилттай оролцоод байна. Эмэгтэйчүүдээс Шагдарын Бямбасүрэн алтан медаль, Хорлоогийн Отгонтуяа мөнгө, Пагмын Оюунцэцэг хүрэл медаль хүртсэн бол эрэгтэйчүүдийн харваанаас Б.Ганзориг, Ж.Дашдорж нар мөнгө, Б.Лхагвасүрэн хүрэл медаль тус тус хүртлээ. Ийнхүү Монголын баг тамирчид Байт харвааны төрөлд 1 алт, 3 мөнгө, 2 хүрэл нийт 6 медаль хүртэж хувийн төрөлд медалийн тоогоор 2, чанараар 3-р байрт орсон амжилт гаргалаа. Сонирхуулахад өчигдрийн тэмцээнд МУ-ын Ерөнхий сайд асан, Улсын их хурлын гишүүн С.Батболдын гэргий Байт сурын холбооны тамирчин Х.Отгонтуяа алтан медалийн төлөө Австралийн тамирчинтай өрсөлдөж, сүүлийн 2 үед 1 оноогоор хоцрон мөнгөн медалийн болзол хангажээ.
Эх сурвалж http://www.info.mn
Таалагдвал LIKE бэлэглээрэй.

Сонирхолтой мэдээ

Сэтгэгдлийг ачаалж байна ...
топ 20 мэдээ