”Зууны манлай дуурийн дуучин” Ц.Пүрэвдоржийн нэрэмжит V уралдааны шилдгүүд тодорлоо
2019 оны 11 сарын 28
”Зууны манлай дуурийн дуучин” Ц.Пүрэвдоржийн нэрэмжит V уралдааны шилдгүүд тодорлоо
Дэлхийн дуурийн урлагийн нэрт зүтгэлтэн, Хөдөлмөрийн баатар, Ардын жүжигчин Ц.Пүрэвдоржийн нэрэмжит Ари романс дуулаачдын олон улсын V уралдааныг түүний 90 жилийн ойд зориулан зохион байгуулж байгаа билээ.

   Тус уралдаан нь арваннэгдүгээр сарын 18-24-ны өдрүүдэд үргэлжилсэн бөгөөд уралдаанд нийслэл, орон нутаг, ОХУ-ын Буриад улс, БНХАУ-ын ӨМӨЗО-ы нийт 66 дуучин оролцсон. Уралдааны сүүлийн шатанд шалгарсан дуучдын нэгдсэн "Гала концерт" дуурийн театрын тайзнаа өчигдөр /2019.11.24/ тоглов.

   Тоглолтыг БСШСЯ, Соёл урлагийн сан, УДБЭТ, Пүрэвдорж сан, МУАХ, СУИС зэрэг байгууллагууд хамтран амжилттай зохион байгууллаа. Мөн уралдааны шагналтнуудын ГАЛА ТОГЛОЛТ-ийн үеэр Ц.Пүрэвдоржийн үйл хэргийг мөнхөлсөн номын нээлтийн үйл ажиллагаа боллоо.

   Уралдааны эцсийн шалгаруулалтанд нийт 15 дуучин оролцсон бөгөөд Хөдөлмөрийн баатар, Ардын жүжигчин Ц.Пүрэвдоржийн нэрэмжит Ари романс дуулаачдын олон улсын V уралдааны "Гран при"-г УДБЭТ-ын гоцлол дуучин /СТА/ С.Бат-эрдэнэ, нэгдүгээр байрт УДБЭТ-ын гоцлол дуучин /СТА/ Б.Гомбо-очир, хоёрдугаар байрт УДБЭТ-ын гоцлол дуучин Б.Батжаргал, Г.Энхнаран нар тус тус шалгарав.
Эх сурвалж http://www.info.mn
Таалагдвал LIKE бэлэглээрэй.

Сонирхолтой мэдээ

Сэтгэгдлийг ачаалж байна ...
топ 20 мэдээ